آذر ساو

تورکجه خبر

اردوغان: مینبیج اؤز صاحیبلرینه قایتاریلاجاق

0 گؤروش
یازار:‌ ائلدار


سوریه نین مینبیج شهری تئررورچولاردان تمیزلنه‌جک و اؤز صاحیبلرینه قایتاریلاجاق. 

آذرساوین بیلگی سینه گؤره، بو سؤزلری تورکیه جومهورباشقانی رجب طیب اردوغان دئییب. 

تورکیه باشقانی نین سؤزلرینه گؤره، حاضیردا آنکارا مینبیجد و بوتونلوکده ایسه سوریه نین شیمالیندا باش وئرن حادیثه لری دیقتله ایزله‌ییر:

"تورکیه، مرزلری نین امنییتی نی تامین ائده‌جک و بو ایشده بیزه کؤمک ائده‌جک هر کسله امکداشلیغا حاضیردیر". 

تورکیه جومهورباشقانی آرتیریب: آمریکا سوریه ایله باغلی آنکارایا وئردیگی سؤزو توتمالی دیر.

آردینی اوخو
چهارشنبه 17 بهمن 1397
بؤلوملر : دونیا,

بیرلشمیش میللت لر باشقانی قاراباغ ساواشی دانیشیقلارینی آلقیشلادی

0 گؤروش
یازار:‌ ائلدار

آنتونیو گوترش، بیرلشمیش میللت لر اؤرگوتونون باشقانی کئچن گونلرده کی آذربایجانلا ائرمنیستانین پاریس شهرینده دانیشیقلارینی یاخشی و مثبت دَیرلندیردی.

ائلمار محمدیاروف و زهراب مناتسکانیان، ایکی اؤلکه نین دیش ایشلر باخانلاری پاریسده کی کئچن چهارشنبه گؤروشلرینده، قاراباغ ساواشی نین صلح یولو ایله حل اولماسی یوللاری اوچون دانیشیقلار آپاریب لار.

ریپورت خبر آژانسی نین بیلگی سینه گؤره، بیرلشمیش میللت لر باشقانی، ایکی اؤلکه نین قاراباغ مسئله سینین صولح یولویلا حل اولونماسی چالیشمالارینی و ایکی اؤلکه نین دیش ایشلر باخانلاری خالقلاری نین صولحه آتدیم آتما گرگلی یینی وورغولایاراق، آلقیشلادی.

آنتونیو گوترش بیرلشمیش میللت لر اؤرگوتونون حیمایتی نی قاراباغ مسئله سی نین حل اولماق اوچون قورولان مینسک قروپوندان بیلدیردی.

آذربایجان و ائرمنیستان دیش ایشلر باخان لاری، مینسک اؤرگوتونون روس، فرانسا و آمئریکالی باشقانلاری نین واسیطه سیله قاراباغ ساواشی نین حل اولونماسی اوچون پاریس شهرینده دؤرد ساعات دانیشدیلار.

آذربایجان دیش ایشلر باخانلیغی بو گؤروشو موثبت و یاخشی بیلدیردی.

ایکی طرفین سؤزویله، گلن گؤروشلر گلن آیدا کئچیریله جک.

آردینی اوخو
چهارشنبه 17 بهمن 1397
بؤلوملر : قاراباغ,

آنا دیلی اؤیرتمه‌سی خالقیمیزین ایستگیدیر

0 گؤروش
یازار:‌ ائلدار

محمدرضا پورحیدری شرقی آذربایجان بؤلگه‌سینین والیسی، یانمیش صندللر و زینبییه شهیدلرینین خاطیره‌سی اوچون دوزنلنن بیر تؤرنده، آموزش پرورش باخانی و مجلیس باشقانینی حوضوروندا، تورکجه‌نین مدرسه‌لرده اؤیرتمه‌سینی ایسته‌دی.

او دئدی: آنا دیلیمیزین اؤیرتمه‌سی، آذربایجان تورکجه‌سینین کولتورسل و ادبی گئنیشمه‌سینه کؤمک ائده‌جک.

پورمحمدی اینقیلابدان سونرا قازانان اوغورلاری سونسوز بیله‌رک، ایرانین امنییتینی اورتادوغونون ساواشداکی دوروموندا یوخاری بیلدی.

والی دئدی: ایستیقلال و باش اوجالیغیمیزی هر زامان ساخلایاجاییق و بونو شهیدلریمیزه بورجلویوق.

آردینی اوخو
چهارشنبه 17 بهمن 1397
بؤلوملر : سیاست,

۲۰۱۹ باهاریندان، قازاخیستان اورتا آسیایا بنزین بوراخاجاق

0 گؤروش
یازار:‌ ائلدار

قازاخیستانین انرژی باخانی بو اؤلکه‌نین نفت محصوللارینین اورتا آسیایا بوراخیلاجاغی حاقدا خبر وئریب.

قانات بازئمبایوف دئییب قازاخیستان یئنی ایلین ایلک اوچ آییندا، اورتا آسیا مملکتلرینه بنزین، نفت و جت یاناجاغی وئره‌جک.


قازانبایوف آرتیردی: قازاخیستانین نفت وارلیغینا باخمایاراق، ایللر بویو نفت محصوللارینین آلیجیسی اولوب آنجاق بوندان سونرا آریتیملیقلاریمیزین مودئرنلشمه‌سی ایله، نفت محصوللاریمیزین اؤلچو چوخالیب و یورو ۴ و ۵ ایستانداردلارینا یئتیشیبدیر کی بو بیزه بوراخماق ایمکانینی وئریبدیر. او دئدی: مارس آییندان نفت محصوللاریمیزی اورتا آسیا مملکتلرینه بوراخماغی باشلایاجاییق.

آردینی اوخو
چهارشنبه 17 بهمن 1397
بؤلوملر : اقتصاد,